服務條款

我哋係咩

Table 9（下稱「我哋」）係一個會員制訂座平台。餐廳為會員留枱（包括即日放出嘅枱），配會員專屬菜單同會員價，會員用訂座額度訂位。

我哋只係餐廳同會員之間嘅中介，唔會營運任何餐廳。食物、服務同餐飲合約，係你同餐廳之間嘅事。

會籍同邀請制

Table 9 目前只限持有邀請碼嘅人士加入。

• 你必須年滿 18 歲。
• 每人只可以有一個帳戶，登記資料要真實同最新。
• 邀請碼只供你本人使用，唔可以轉讓或者出售。
• 你要保管好自己嘅登入資料，帳戶內嘅所有活動由你負責。

訂座額度

訂座額度係用嚟喺 Table 9 留位嘅，唔係金錢，亦唔係儲值支付工具。額度經我哋嘅付款供應商以套裝形式購買。

• 額度按 HK$1 = 1 額度出售，套裝內容同價錢以購買時顯示為準。
• 額度唔可以兌換現金、轉讓俾其他人，或者喺 Table 9 以外使用。
• 已購買嘅額度一般不設退款，除非法律要求，或者係我哋出錯。
• 如果我哋將來為額度設定有效期，會提前最少 30 日通知你。

迎新同獎賞額度

除咗你自己購買嘅額度，我哋亦會送出推廣額度：

• 迎新額度：新會員啟用帳戶時可獲 300 額度。
• 獎賞額度：每連續 5 次完成訂座而冇 no-show，可獲 100 額度。

推廣額度冇現金價值，唔可以兌換現金或者轉讓。我哋可以隨時修改或者終止呢啲推廣安排；已經入帳嘅額度照用。如有濫用（例如開多個帳戶攞迎新額度），我哋可以取消有關額度。

訂座同開估

訂座之前，你會見到菜系、地區、菜單、相片同氣氛，但唔會見到餐廳名同地址。確認訂座時，系統會按餐廳級別同訂座人數扣除額度，然後即時顯示餐廳名稱、地址同你嘅訂座編號。

額度按人數計：Tier 1 每位 20、Tier 2 每位 40、Tier 3 每位 60，以訂座時揀嘅人數計算。例如 Tier 2 餐廳兩位，即係 80 額度。

餐費

餐費喺餐廳直接支付，價錢以訂座時顯示嘅會員價為準。酒水、加單同服務費按餐廳一貫做法收取。我哋唔會代收餐費。

取消同退款

每個 offer 都會列明取消限期，由餐廳自行設定，通常係入座前 24 小時。

• 喺限期前喺 Table 9 取消：額度全數退返你個帳戶，會喺 5 個香港工作天內入帳（星期一至五，不包括公眾假期），唔係即時退返。
• 過咗限期取消：張枱會放返出去俾其他會員，但額度唔會退。
• No-show：額度唔會退（詳見下一節）。
• 如果餐廳取消你嘅訂座，額度會全數退返。

缺席（no-show）

如果你冇取消又冇出現，餐廳會將訂座標記為 no-show，該次額度唔會退返。

累積兩次 no-show，你嘅帳戶會被暫停訂座，需要聯絡我哋先可以恢復。如果你認為標記有誤，可以喺 14 日內聯絡客服跟進。

如果會遲到，請直接致電餐廳（訂座後會顯示電話）。

客戶服務同爭議

對訂座、額度或者 no-show 標記有疑問或者爭議，可以經 WhatsApp 或者電郵（hello@tablenine.club）聯絡我哋客服，並提供訂座編號。

每宗爭議都會由真人審閱，我哋可能會向餐廳了解情況。喺法律容許嘅範圍內，Table 9 就額度事宜（包括退款同調整）嘅決定為最終決定。呢點唔影響你根據法律享有嘅權利。

餐廳嘅責任

食物質素、衞生、安全同服務由提供服務嘅餐廳負責。如果你有食物敏感或者飲食限制，請喺訂座後直接通知餐廳。喺法律容許嘅範圍內，我哋唔會為用餐引起嘅損失負責。

公平使用

為咗令好位留俾真心想食嘅會員，以下行為唔被容許：

• 轉售訂座或者額度。
• 用程式、機械人或者多個帳戶搶位。
• 惡意佔位、頻繁取消或者濫用退款機制。

如有違規，我哋可以暫停或者終止有關帳戶。經欺詐取得嘅額度會被取消。

條款修改

我哋可能會更新呢啲條款。重大更改會提前經電郵或者 WhatsApp 通知你。更改生效後繼續使用 Table 9，即表示你接受新條款。

管轄法律

本條款受香港特別行政區法律管轄。任何爭議由香港法院處理。